ADVERTISEMENT

Gradske vlasti zamolile su stanovnike da, tokom prolaska stada, ulice budu prohodne i da drže pse podalje od ovaca.

Radoznali prolaznici snimali su događaj mobilnim telefonima dok je oko 600 životinja iz stada pastira Tomasa Gakštatera prolazilo gradom, prenosi Radio Bilefeld.

Ovce su bile na putu ka zimskom smještaju zapadno od Nirnberga, a preko ljeta su ovo, kao i druga stada dovođena da pasu na gradskim zelenim površinama da bi trava bila uredna.

Tokom putovanja od preko 10 kilometara, ovce su prošle centralnim trgom Hauptmarkt.

Selidba ovaca u novembru je tradicija u Nirnbergu već dugi niz godina.

Nirnberg nije jedini njemački grad u kojem se ovce koriste za "košenje trave". One, takođe, pasu na pojedinim mjestima u Berlinu, Potsdamu, Augsburgu, Ulmu i drugim gradovima.

"Ispašom tokom ljeta, ovce obezbjeđuju visok nivo biodiverziteta u mnogim biotopima unutar gradskih granica i stoga su važne za očuvanje biodiverziteta", saopštio je grad Nirnberg.

Životinje preferiraju određene trave kao hranu i obrađuju zemljište kopitima.

Ovčarstvo u blizini grada takođe je posebno privlačno za stanovnike.

"Ispašu ovaca u gradu stoga treba sačuvati i zaštititi", saopštila je gradska skupština.