ADVERTISEMENT

Privremeni trener Partizana Marko Jovanović ustupio je svoje mjesto Srđanu Blagojeviću koji će danas i zvnanično preuzeti ulogu trenera “parnog valjka”.

"Zahvaljujem se upravi na povjerenju, pogotovo Danku i Peđu sa kojima sam vodio razgovore. Velika je čast biti trener Partizana i stati u red velikih imena, kako igračkih, tako i trenerskih. Veoma sam ponosan i motivisan, a posjedujem i iskustvo zbog svega što sam prošao u prethodnom periodu. Ne sumnjam da ono što Partizan traži u ovom trenutku i ono što ja mogu da ponudim se trenutno poklapa. Daćemo sve od sebe da u narednom periodu uradimo sve za dobrobit ovog kluba", rekao je Blagojević.

Već danas startuju pripreme

"Danas imamo prozivku i prvi trening. Međutim, mi smo već četiri-pet dana u pripremi za ono što nam slijedi. Operativne stvari su već uveliko urađene. Od 15 sati imamo prvi trening, gdje ćemo se upoznati sa igračima i pokušati da im odmah stavimo do znanja šta od njih očekujemo",dodao je on.